سی سی پی او کو شرم آنی چاہیے، اگر وہ اپنی ڈیوٹی نہیں کرسکتا تو اسے عہدہ چھوڑ دینا چاہیے:علی محمد خان

اسلام آباد (یواین پی)تحریک انصاف کے رہنما علی محمد خان نے کہا کہ سی سی پی او کو شرم آنی چاہیے، اگر سی سی پی او اپنی ڈیوٹی نہیں کرسکتا تو اسے اپنا عہدہ چھوڑ دینا چاہیے۔انہوں نے مزید کہا کہ سی سی پی او کو کسی نے اجازت نہیں دی کہ وہ اس طرح کے بیان دیں، انہیں کیا معلوم خاتون کیوں نکلیں، ہوسکتا ہے انہیں کوئی کام ہو۔ علی محمد خان نے کہا کہ رات کے 12 نہیں 3 بجے بھی لوگ نکلیں گے، ریاست کا کام ہے ان کا تحفظ کرنا، سی سی پی او اگر اپنا کام نہیں کرسکتے تو عہدہ چھوڑ دیا لیکن غلط باتیں نہ کریں۔انہوں نے کہا کہ پاکستان سب کا ہے اور ہر پاکستانی کسی بھی وقت گھر سے باہر نکل سکتا ہے۔