کورونا مہلک وائرس ،دوسری لہر نے عالمی دنیا کو لپیٹ میں لے رکھا ہے ،قاسم خان سوری

کوئٹہ(یواین پی) ڈپٹی اسپیکر قومی اسمبلی قاسم خان سوری نے جنرل منیجر پی ٹی وی کوئٹہ مرکز محمدایوب بابئی کو پی ٹی وی کے عملے اور فنکاروں کو کورونا وائرس کی دوسری ممکنہ لہر سے بچائو کے لئے ایک ہزار ماسک گفٹ کردیئے اس موقع پر پی ٹی وی کے ہیڈ آف ڈیپارٹمنٹ کے علاوہ عملے اور فنکاروں کی بڑی تعداد موجود تھی۔ڈپٹی اسپیکر قومی اسمبلی قاسم خان سوری نے کہا کہ کورونا ایک مہلک وائرس ہے اور اس کی دوسری خطرناک لہر نے پھر عالمی دنیا کو لپیٹ میں لے رکھا ہے اور اس کورونا وائرس سے بچائو کا واحد حل طبی ماہرین کی دی ہوئی ہدایات اور ایس او پیز پر عملدرآمد کرکے اس سے بچا جاسکتا ہے اور حکومت عوام اور تمام اداروں کے ملازمین کو اس مہلک وائرس سے بچانے کے لئے تمام ممکنہ اقدامات کررہی ہے اور خصوصاً پاکستان ٹیلی ویژن کارپوریشن قومی چینل کی حیثیت سے اس وائرس سے بچائو کے لئے آگاہی مہم میں فرنٹ لائن کا کردار ادا کررہا ہے جو قابل تحسین ہے۔