کراچی میں فائرنگ سے موٹر سائیکل سوار خاتون اور نوجوان جاں بحق

کراچی (یواین پی) کراچی کے علاقے بوٹ بیسن کے قریب موٹر سائیکل پر فائرنگ کے نتیجے میں خاتون سمیت 2 افراد جاں بحق ہو گئے ہیں۔ میڈیا رپورٹس کے مطابق قتل کا یہ واقعہ بوٹ بیسن فوڈ اسٹریٹ کے قریب پیش آیا ۔ عینی شاہدین کے مطابق سفید گاڑی میں سوار افراد نے فائرنگ کی ۔ ڈی آئی جی ساؤتھ کے مطابق مقتولین کے سر اور سینے پر تین تین گولیاں لگیں ۔وقوعہ سے مقتولین کی بائیک کے علاوہ ایک اور موٹر سائیکل بھی ملی ہے ۔ پولیس کا کہنا ہے کہ مقتول شخص کی شناخت عدنان کے نام سے ہوئی ہے ۔ جاں بحق ہونے والوں کو جناح ہسپتال منتقل کر دیا گیا ہے ۔ ڈاکٹر سیمی جمال کے مطابق خاتون کی عمر 26 اور مرد 25 برس ہے، پولیس کا کہنا ہے کہ جائے وقوعہ سے 30 بور پستول کے 6 خول ملے ۔ پولیس کے مطابق مقتول کی موٹر سائیکل پر کوئی نمبر پر پلیٹ نہیں لگی ہوئی ہے ۔