پاکستان سمیت دنیا بھر میں تمباکو نوشی کے خلاف عالمی دن آج منایا جائیگا
Published on May 31, 2021 by admin ·(TOTAL VIEWS 143) No Comments
پشاور(یواین پی) پاکستان سمیت دنیا بھر میں تمباکو نوشی کے خلاف عالمی دن آج 31 مئی سوموارکو منایا جائے گا اس دن کے منانے کا مقصد تمباکو نوشی کے انسانی صحت کو لاحق خطرات اور اس کے مضر اثرات کے متعلق عوام کو آگاہ کرنا ہے اس سلسلے میں ملک بھر میں محکمہ صحت اور سماجی تنظیموں کے زیر اہتمام تمباکو نوشی کی تباہ کاریوں کے متعلق آگاہی فراہم کی جائے گی۔عالمی ادارہ صحت کے ممبران نے 1987ء میں دنیا بھر میں ترک تمباکو نوشی کا دن منانے کا فیصلہ کیا جس کا مقصد دنیا بھر کی حکومتوں کو تمباکو نوشی کے مہلک اثرات سے محفوظ رکھنے کیلئے اقدامات کرنے کی جانب توجہ مبذول کروانا تھاجس کے بعد پاکستان سمیت دنیا بھر میں ہر سال اکتیس مئی کو ترک تمباکو نوشی کا دن منایا جاتا ہے۔عالمی ماہرین صحت کے مطابق تمباکو نوشی دنیا بھر میں ہائی بلڈ پریشر کے بعداموات کی دوسری بڑی وجہ ہے۔
:اسی سے منسلک خبریں جو آپ پڑھنا چاہیں گے
Readers Comments (0)