قانون ہاتھ میں لینے والے جرائم پیشہ عناصر کسی رعایت کے مستحق نہیں صفدر حسین

منشیات کا خاتمہ عوام کے جان ومال کا تحفظ اور سائلین کو میرٹ پر انصاف کی فراہمی میری اولین ترجیحات ہیں
وہاڑی (یواین پی)ماچھیوال کے نئے تعینات ہونے والے ایس ایچ او صفدر حسین جوئیہ نے صحافیوں،ر سول سوسائٹی کے نمائندوں چوہدری مزمل حنیف آرائیں، ڈاکٹر محمد سمیع رانا،عمران خان، رضوان گجراور امجد کمبوہ سے ملاقات کے دوران بتایاکہ قانون ہاتھ میں لینے والے جرائم پیشہ عناصر کسی رعایت کے مستحق نہیں۔منشیات فروش نوجوان نسل کا مستقبل تباہ کرنے والے معاشرے کا ناسور ہیں۔ منشیات کا خاتمہ عوام کے جان ومال کا تحفظ اور سائلین کو میرٹ پر انصاف کی فراہمی میری اولین ترجیحات ہیں۔منشیات کے خاتمے کی جنگ میں ہر فرد کو اپنا کردار ادا کرنا ہوگا۔میڈیا اور سول سوسائٹی منشیات فروشوں کی نشاندہی کرے۔ہم ایکشن لیں گے۔تھانہ ماچھیوال کی حدود سے انشاءاللہ میں اور میری ٹیم منشیات اور جرائم کا خاتمہ کرکے دم لیں گے۔اور کسی کے ساتھ نہ ہی زیادتی ہوگی اور نہ ہی رعایت برتیں گے۔ منشیات فروشی کے خاتمے کے لیے ڈی پی او وہاڑی امیر عبداللہ خان نیازی کے ویژن کے زیر سرپرستی دن رات ایک کر دیں گے عوام الناس کو میرٹ پر انصاف کی فراہمی یقینی ہوگی۔