وزیراعلیٰ بلوچستان ڈاکٹر عبدالمالک بلوچ کی اسلام آباد فروٹ منڈی میں بم دھماکے کی مذمت

کوئٹہ ۔۔۔ وزیراعلیٰ بلوچستان ڈاکٹر عبدالمالک بلوچ نے اسلام آباد فروٹ منڈی میں ہونے والے بم دھماکے کی شدید مذمت کرتے ہوئے واقعہ میں بے گناہ غریب مزدوروں اور دیگر افراد کے جاں بحق و زخمی ہونے پر گہرے دکھ اور افسوس کا اظہار کیا ہے۔ وزیراعلیٰ نے دھماکہ میں جاں بحق ہونے والوں کے لواحقین سے دلی ہمدردی اور تعزیت کا اظہار کرتے ہوئے مرحومین کی مغفرت اور زخمیوں کی جلد صحت یابی کی دعا کی ہے۔