مسجد نبوی میں آب زمزم حاصل کرنے لیے آن لائن پورٹل متعارف

مدینہ منورہ (یواین پی) زمزم کا پانی زمین کے سب سے عظیم مشروبوں میں سے ایک اور مسلمانوں کے لیے سب سے زیادہ برکت والا پانی سمجھا جاتا ہے۔ زم زم کی عظمت ایک حدیث پاک میں بھی وارد ہوئی ہے جیسا کہ عظیم حدیث میں بیان کیا گیا ہے۔ نبی صلی اللہ علیہ وسلم نے ارشاد فرمایا کہ ’اللہ اس پر رحمت نازل فرمائے۔ یہ ذائقے دار کھانا اور بیماری کا علاج ہے‘۔میڈیاکے مطابق سعودی عرب کے بانی شاہ عبدالعزیز بن عبدالرحمان آل سعود کے دور سے موجودہ خادم الحرمین الشریفین تک مملکت کے ہر فرمانروا نے حجاج کرام اور معتمرین کو آب زم زم کی بلا قیمت فراہمی میں کوئی کسر اٹھا نہیں رکھی۔مسجد نبوی کے صحن کے جنوب مغربی کونے میں واقع زمزم فراہمی کا نیا منصوبہ تیار کیا گیا ہے۔مسجد نبوی میں پانی کی فراہمی کے حوالے سے صدارت عامہ برائے امور حرمین الشریفین کے منصوبوں میں سے ایک ہے۔اس منصوبے کا مقصد مسجد نبوی میں آنے والے اللہ کے مہمانوں اور اہل مدینہ منورہ کی زمزم پینے کی خواہش پر عمل درآمد کرنا ہے۔پراجیکٹ کا رقبہ تقریبا 330 میٹر ہے اور اس میں سٹین لیس سٹیل کے تین ٹینک نصب ہیں، جن کی کل گنجائش 290 میٹر، 2 پریشر ٹینک، 3 واٹر فیڈنگ پمپ، 2 سٹین لیس سٹیل فلٹر، دو سٹرلائزر، دو 350 طول پائپ لائنیں نصب ہیں۔محکمہ فراہمی آب نے مسجد نبوی میں زمزم کے حصول کے لیے ایک آن لائن پورٹل بھی متعارف کرایا ہے جس میں زم زم کے حصول کے اوقات، طریقہ کار اور اس حوالے سے ضروری ہدایات بیان کی گئی ہیں۔اس پورٹل کی مدد سے زمزم حاصل کرنا زیادہ آسان ہو گیا ہے۔