مسلم لیگ (ن) کل بہاولپور میں سیاسی طاقت کا مظاہرہ کریگی

لاہور(یواین پی) پاکستان مسلم لیگ (ن) یوم مئی کے موقع پر کل ہفتہ کے روز بہاولپور میں سیاسی طاقت کا مظاہرہ کرے گی ۔مسلم لیگ (ن)کی طرف سے 28 مئی کے جلسے کی اجازت کے لئے ڈپٹی کمشنر بہاولپور کو درخواست جمع کروا دی گئی ہے، جلسہ کے اجازت نامے کے لئے درخواست سابق ٹکٹ ہولڈرسٹی صدر رانا محمد طارق نے جمع کروائی۔درخواست کے متن میں کہا گیا ہے کہ جلسے سے وزیراعلی پنجاب حمزہ شہباز اور پاکستان مسلم لیگ (ن)کی نائب صدر مریم نواز خطاب کریں گی۔درخواست میں جلسہ کے دوران فول پروف سکیورٹی کی بھی استدعا کی گئی ہے۔