عمران خان نے یہودی پالیسی کے مطابق پاکستان کا ہر شعبہ تباہ کیامولانا فضل الرحمان

دوست ممالک سے تعلقات خراب کئے، مودی دوستی میں کشمیر کے مسئلے کو سخت نقصان پہنچایا
جدہ ( یواین پی) مسئلہ یہ نہیں کہ ملک کی معیشت خراب ہے مسئلہ یہ ہے کہ عمران نے جو اس ملک کے ہر شعبے کے ساتھ ظلم کیا ہے وہ سدھارہ کیسے جائے اس مسئلے پر اتحادی حکومت پوری محنت سے سوچ بچار کررہی ہے، یہ بات جمعیت علماء اسلام کے سربراہ مولا نہ فضل الرحمن نے جدہ میں کشمیر کمیونٹی سے بات کرتے ہوئے کہی۔ اپنے اعزاز میں دئے گئے سردار عنائت اللہ کے عشائیہ میں مولانا فضل الرحمان نے کہا کہ گزشتہ چار سال سے کم عرصے میں عمران خان نے یہودی پالیسی کے مطابق پاکستان کا ہر شعبہ تباہ کیا، دوست ممالک سے تعلقات خراب کئے، مودی دوستی میں کشمیر کے مسئلے کو سخت نقصان پہنچایا، ملک کو مقروض کیا ، خود ہوشرباء کرپشن کی اور خود سابقہ حکومتوں پر الزام لگاتا رہا۔ عدالتوں، اور اداروں کو دھمکیاں دینے کی ریت ڈالی، نوجوانوں جلسوں کے نام پر سڑکوں پر رقص کرایا، بدزبانی، او ر عوام کو تقسیم کرنے کا ہر طریقہ استعمال کیا، اس صورتحال میں موجودہ حکومت کے سامنے بہت سے چیلنجز ہیں۔ مولانا فضل الرحمان نے کہا کہ ان خرابیوں کا مقابلہ کرنے کے ساتھ اتحادی حکومت کی پہلی ترجیح مہنگائی و بے روزگار ی کی دلدل میں پھنسی عوام کو ریلیف دینا ہے۔ایک سوال کے جواب میں انہوں نے کہا کہ مسئلہ کشمیر پر بھی عمران حکومت نے مجرمانہ پالیسی اپنائی اور مودی سے توقعات وابستہ کرکے مسئلہ کشمیر کے حل کے سلسلے میں اسے چار سال پہلے کی پوزیشن پر لے آیا، مولانہ فضل الرحمان نے یسین ملک کو عمر قید سزا پر دکھ کا اظہار کرتے ہوئے کہا کہ 25مئی کو عمران کا لانگ مارچ حکومت کے خلاف نہیں صرف بھارتی ظلم اور یسین ملک کی سزا سے پاکستان اور کشمیریوں سے توجہ ہٹانے کیلئے تھا جسے اس نے ہنگامہ، جلاؤ گھیراؤ کرکے بھارتی ایجنڈے کو مکمل کیا۔مولانہ فضل الرحمان نے کہا عمران کے خلاف جرائم کی طویل فہرست ہے اس نے مسلمانوں کی بااثر تنظیم او آئی سی میں دوست ممالک کو ناراض کرکے تقسیم کرنے کی ناکام کوشش کی جو اللہ کا شکر ہے کامیاب نہیں ہوسکی۔عمران کا ایجنڈہ صرف اپنے غیرملکی آقاؤں کو خوش کرنے کا تھا اور اب بھی ہے کہ وہ پاکستان میں انتشا ر پھیلائے۔اتحادی حکومت کی آئی ایم ایف کے ساتھ مذاکرات کے دوران ملک میں نقص امن دکھا کر کر مذاکرات کو ناکام بنا نا چاہتاہے مولانہ نے اس سوال کا واضح جواب نہیں دیا کہ اتحادی سربراہ بند کمرے میں اجلاس تو کرتے ہیں مگر منظر نامے میں کہیں نہیں لگتا ہے حزب اختلاف کو جوابا ت صرف مسلم لیگ ن نے ہی دینا ہیں جسکا اپنا میڈیا کمزور ہے،مولانہ فضل الرحمان نے مسکراتے ہوئے کہا کہ میں نے دوجلسے کئے ہیں