فواد چودھری کی مریم نواز کی تعریف

لاہور (یواین پی) سیاسی استحکام کیلئے سیاسی جماعتوں کے درمیان بات چیت کی ضرورت ہے،شکست تسلیم کرنے پر فواد چودھری کی مریم نواز کی تعریف۔ تفصیلات کے مطابق پی ٹی آئی رہنما فواد چوہدری نے نجی ٹی وی سے گفتگو کرتے ہوئے شکست تسلیم کرنے پر ملک احمد خان اور مریم نواز کی تعریف کی ۔انہوں نے اپنے بیان میں کہا کہ سیاسی استحکام کیلئے سیاسی جماعتوں کے درمیان بات چیت کی ضرورت ہے۔ بڑی سیاسی جماعتیں جوڑ توڑ کرنے کی بجائے بیٹھ کر آئندہ کیلئے فیصلہ کریں۔انہوں نے کہا کہ الیکشن کے بغیر مسائل کا حل نہیں نکل سکتا۔اگلے الیکشن میں کیسے جانا ہے بڑی جماعتوں کوفیصلہ کرنا ہو گا۔تمام سیاسی جماعتوں کو پختگی کا مظاہرہ کرتے ہوئے بحران سے نکلنا ہو گا۔