ضلع بھر میں بے ہنگم ٹریفک کے خاتمہ کیلئے پارکنگ سٹیندزکا قیام عمل میں لایا جائے پاسبان رکشہ یونین کا مطالبہ

ٹوبہ ٹیک سنگھ (ثاقب شفیع) پاسبان رکشہ یونین کی زیر قیادت ضلعی عہدیداران کے نمائندوں کے وفد نے سیکرٹری آرٹی اے ٹوبہ ٹیک سنگھ سے ملاقات کرتے ہوئے ان سے مطالبہ کیا کہ ضلع بھر میں ٹریفک مسائل حل کرنے کے لیے پارکنگ سٹینڈتعمیر کئے جائیں ۔مختلف جگہوں پر رکشہ ڈرائیورز سے بھتہ وصول کرنے والے افراد کے خلاف فوری کاروائی عمل میں لائی جائے اور رکشہ ڈرائیورز کے بلاوجہ چالان نہ کئے جائیں۔ اس موقع پر ٹی ایم اے میاں محمد اکرم ، چیف آرگنائزر پاسبان رکشہ یونین سید افضال حسین شاہ، صدر میاں انعام الحق ، ضلعی نائب صدر نظر حسین اور ضلعی جنرل سیکرٹری سہیل شہزاد بھی موجودتھے۔ سیکرٹری آر۔ٹی ۔ اے نے وفد کو یقین دہانی کرائی کہ رکشہ ڈرائیورز کے مسائل کو ترجحی بنیادوں پر حل کرنے کے لیے جلد از جلد ٹی ایم او ٹوبہ ٹیک سنگھ کے ساتھ اعلیٰ سطحی اجلاس بلا کر غور کیا جائے گا تاکہ آپ کے مطالبات پر عمل درآمد کے لیے لائحہ عمل طے کیا جا سکے۔