چینی وزیر خا رجہ یو این سمٹ آف دی فیوچر اور جنرل اسمبلی کے عام مباحثے میں شرکت کریں گے

بیجنگ (یواین پی) کمیونسٹ پارٹی آف چائنا کی مرکزی کمیٹی کے سیاسی بیورو کے رکن اور وزیر خارجہ وانگ ای صدر شی جن پھنگ کے خصوصی ایلچی کی حیثیت سے 22 سے 28 ستمبر تک ہونے والے اقوام متحدہ کے سمٹ آف دی فیوچر میں شرکت کریں گے اور وہ اقوام متحدہ کی 79 ویں جنرل اسمبلی کے عام مباحثے میں بھی شرکت کریں گے۔دورے کے دوران وزیر خارجہ وانگ ای گلوبل ڈیولپمنٹ انیشی ایٹو کے فروغ اور مصنوعی ذہانت پر بین الاقوامی تعاون کو مضبوط بنانے کے لیے چین کی صدارت میں دیگر سرگرمیوں ، سلامتی کونسل کے اعلیٰ سطحی اجلاس، برکس وزرائے خارجہ کے اجلاس اور جی 20 وزرائے خارجہ کے اجلاس جیسی کثیر الجہتی تقریبات میں بھی شرکت کریں گے اور اقوام متحدہ کے سیکریٹری جنرل، 79 ویں جنرل اسمبلی کےچیرمین اور متعلقہ ممالک کے وزرائے خارجہ یا وفود کے سربراہان سے بھی ملاقات کریں گے۔