فرانسیسی صدر کا اسرائیل کو اسلحے کی فراہمی روکنے کا مطالبہ

پیرس (یو این پی) فرانس کے صدر ایمانوئل میکرون نے  کہا ہے کہ اگرچہ انہوں نے اسرائیل کی سلامتی کی حمایت اور اسرائیلی قیدیوں کے اہل خانہ کے ساتھ ہمدردی کا اظہار کیا ہے ، لیکن جنگ بندی کے لئے اسرائیل کو  جنگ میں ہتھیاروں کی فراہمی بند کی جانی چاہیئے۔ اسی رات انگریزی میں ایک ویڈیو بیان میں اسرائیلی وزیر اعظم نیتن یاہو نے اس کے جواب میں کہا کہ  “اسرائیل  فرانس کی حمایت کے بغیر جیت جائے گا، لیکن ان کی ذلت اسرائیل کی فتح کے بعد طویل عرصے تک رہے گی”۔  مقامی وقت کے مطابق 6  اکتوبر کو  اسرائیل میں ہونے والے ایک سروے سے پتہ چلتا ہے کہ تقریباً ایک چوتھائی اسرائیلیوں نے گزشتہ سال ملک چھوڑنے پر غور کیا ہے۔ یہ سروے گذشتہ ہفتے اسرائیلی بالغ افراد کے نمائندہ گروپ کے درمیان کیا گیا تھا۔سروے کے مطابق  ایک فیصد جواب دہندگان نے کہا کہ وہ اسرائیل چھوڑ چکے تھے اور بعد میں واپس آئے ہیں یا واپس آنے کا ارادہ رکھتے ہیں۔ 23 فیصد جواب دہندگان نے کہا کہ انہوں نے عارضی یا مستقل طور پر اسرائیل چھوڑنے پر غور کیا ہے ، لیکن ابھی تک ایسا کیا نہیں۔