کھلاڑیوں کی کارکردگی کا ذمہ دار ہوں، سلیکشن کا نہیں!

راولپنڈی(یو این پی)قومی ٹیم کے ہیڈ کوچ جیسن گلپسی کا کہنا ہے کہ پاکستان ٹیم کے انتخاب کا بتایا گیا تھا لیکن اعلان کرنے کی اجازت نہیں دی گئی۔ سابق آسٹریلوی ٹیسٹ کرکٹر نے کہا کہ نئی سلیکشن کمیٹی کے ساتھ بٹھا کر طے کیا گیا تھا کہ انتخاب کرنے کیلئے فیصلہ سازی میں شامل نہیں ہوں گا۔گلسپی نے کہا کہ میں اب میچ ڈے کی حکمت عملی کا ذمہ دار اور سلیکشن معاملات سے دور ہوں، مجھے ہیڈ کوچ کی حیثیت سے روزانہ کی بنیاد پر حکمت عملی بنانے پر کھلاڑیوں پر توجہ مرکوز کرنے کا کہا گیا ہے۔قبل ازیں گزشتہ روز ہیڈکوچ جیسن گلیسپی کی انگلینڈ کے خلاف تیسرے ٹیسٹ سے قبل راولپنڈی اسٹیڈیم میں ٹریننگ سیشن کے بعد پانی کی بوتلیں اٹھاتے نظر آتھے۔گراؤنڈ ٹریننگ سیشن کے دوران پاکستانی کھلاڑیوں نے خالی بوتلیں گراؤنڈ میں ہی پھینک دی تھیں جنہیں سابق کرکٹرز نے اٹھایا تاکہ میدان کو صاف رکھا جاسکے۔مداحوں نے ہیڈکوچ کے عاجزانہ رویے کی تعریف کرتے ہوئے پاکستانی کھلاڑیوں کو تنقید کا نشانہ بنایا تھا۔