فیصل آبادشہر اور گردونواح میں ڈکیتی،راہزنی اور چوری کی وارداتوں کا سلسلہ جاری

فیصل آباد (یو این پی/ایم سجادمہر)فیصل آبادشہر اور گردونواح میں ڈکیتی،راہزنی اور چوری کی وارداتوں کا سلسلہ جاری،120سے زائد مقا مات پر وارداتوں کے دوران ڈاکوؤں اور چوروں کے گروہ لاکھوں کے زیورات‘نقدی‘قیمتی سامان‘موبائل فونزچھین کر لے گئے‘متعدد شہریوں کو موٹر سائیکلوں سے محروم کردیا گیا‘اوباش افرادنے سبز باغ دکھا کر دو لڑکیوں کو اغواء کرلیا‘ پولیس نے کارروائی میں عمل میں لاتے ہوئے مغویان کی بازیابی کیلئے ملزمان کی تلاش شروع کردی‘آن لا ئن کے مطابق تھانہ صدر کے علاقہ237رب میں نواز کی بیٹی (ع) کو اوباش ملزم شہزاد اور ملت ٹاؤن کے علاقہ202ر ب کی لبنیٰ کی بیٹی(و) کوبازار جاتے ہوئے نامعلوم ملزمان نے اغواء کرلیا،جبکہ منصور آبادکے عثمان سے موٹرسائیکل چھین لی،بٹالہ کالونی کے علاقہ میں شمیم کی دکان لوٹ لی،وارث پورہ گول چوک کے قریب مراد علی سے موٹرسائیکل،نقدی و فون،ستیانہ روڈ پرعادل سی65ہزار و فون،275ج ب کے منان کی حویلی سے لاکھوں کی5بکرے چوری،سدھار بائی پاس کے قریب عامر کے گھر کے تالے توڑ کر لاکھوں کے زیورات،نقدی چور لے گئے،رشید آباد میں اعظم حسین کے گھر کا صفایا کردیا گیا،جج والا کے قریب رحیم ٹاؤن کے کاشف کی فیکٹری سے بھاری مالیت کا سامان چوری،نیو انارکلی کے قریب افتخار سے جھپٹا مارکر فون،224ر ب کے اکبر علی سے موٹرسائیکل،نقدی چھین لی،چھوٹی اناسی روڈ پر عارف کے گھر کے تالے توڑ کر لاکھوں کا سامان چور لے گئے‘219ر۔ب رانا ٹاؤن کے محمد عابد رضا کا گھر لوٹ لیا۔جمیل پارک گلی نمبر1کے بلال سے نقدی و فون،رضا آباد کے محمد علی سے جھپٹا مار کر فون چھین لیا۔گلزار کالونی کے ریحان سی5ہزار روپے و فون،277گ ب کے حنیف کے گھر سے لاکھوں کے زیورات‘نقدی‘قیمتی سامان لوٹ لیا،246ر ب کے ظفر اللہ سی50ہزار روپے و فون،کارخانہ بازار سے تاجر حبیب کی دکان کے باہرسے چوری5بنڈل کپڑوں کے لے اڑے‘30ج۔ب کے غلام مصطفی سی15ہزار و فون،60ج ب شہباز پور کے سلیم سی7ہزار و فون،126ر ب کے محمود سے نقدی و فون،31ج ب کے جمشید کا گھر لوٹ لیا،اقبال کالونی تاندلیانوالہ کے عامر کے ڈیرہ سے لاکھوں کے مویشی،جڑانوالہ روڈ کے قریب غلام مرتضیٰ سی10بوریاں مکئی چھین لی،جڑانوالہ کے محمد رمضان سے نقدی و فون،گلستان کالونی کے کاشف سے نقدی و فون،کالج روڈ سمن آباد کے قریب عقیل کی دکان لوٹ لی۔جڑانوالہ روڈ پر رحمان سی15ہزار و فون،علی ٹاؤن کے منصور سے نقدی و فون،جڑانوالہ روڈ پر فرخ عمر سے 5ہزار،گلشن کالونی کے حمزہ سے 10ہزار،رچنا ٹاؤن کے عبدالغفار سے نقدی و فون،ستیانہ روڈ پر فرمان علی سے موٹرسائیکل،محمد آباد کے نادر حسین کی دکان کے تالے توڑ کر چور بھاری مالیت کا سامان لے گئے۔غلام محمد آباد کے حیدر علی سے نقدی و فون،فیکٹری ایریا کے فلک شیر سے نقدی و فون،کھرڑیانوالہ کے اکبر علی سے پرس،محمد پورہ گلی نمبر6کے ریحان کی اہلیہ سے نقدی،طلائی انگوٹھی چھین لی،37گ ب کے جنید سے فون،بچیکی روڈ پر نبیل احمد سے 21ہزار،ستیانہ روڈ کے خالد سی5ہزار،508گ ب میں اسلم کے گھر داخل ہونیوالے ڈاکو اہل خانہ کو یرغمال بنا کر لاکھوں کے زیورات و نقدی،509گ ب کے شان کے گھر سے دو بکرے،205گ ب کے اسماعیل کی حویلی سے لاکھوں کے مویشی،لاثانی پلی کے قریب زاہد سے نقدی،جمیل آباد کے تنویر احمد سی12برآمد و فون، 7ج ب کے فدا حسین سے نقدی،اور دیگر وارداتوں کے دوران سماج دشمن عناصر لاکھوں کا مال و اسباب لوٹ کر فرار ہوگئے۔علاوہ ازیں وارث پور ہ کے عبدالقدیر، جیل روڈ قبرستان کے قریب ارشد علی،57ر ب کے محمد علی،سدھار کے قریب رمضان،103ج ب کے ذوالفقار علی،سہیل آباد حماد شادی ہال سے عمیر خان،رضا آباد کے شاکر ریاض،تحصیل کچہری سمندری سے رضا حسین،شیخوپورہ روڈ پر رشید،ہجویری ٹاؤن کے فیصل،شبیر آباد کے مبشر،چباں روڈ پر عثمان،سول ہسپتال سے ثاقب،طارق آباد کے اویس،سول لائن کے قریب وقار،شعیب بلال مارکیٹ سے شفیق،باغ جناح کے عمران‘علی رضا،جلوی مارکیٹ کے علی،228ر ب کے نور احمد،رفا یونیورسٹی سے امتیاز احمد،سرسید ٹاؤن کے الماس،کوہ نور ٹاؤن کے خیام،مدینہ ٹاؤن کے عدنان،منصور آباد کے اعجاز اور دیگر کی موٹرسائیکلیں اور رکشے چور لے اُڑے پولیس شہربھر کی ناکہ بندیوں کے باوجود سماج دشمن عناصر کا سراغ نہ لگا سکی۔