وزیراعظم (آج)پانچ سالہ قومی اقتصادی پلان ’’اڑان پاکستان پروگرام ‘‘کا اعلان کرینگے

پروگرام کے تحت وفاقی حکومت2029تک برآمدات کو سالانہ 60ارب ڈالرز تک بڑھائے گی اڑان پاکستان کے ذریعے پاکستان کو 2035تک 1000ارب ڈالرز معیشت کی بنیاد فراہم کرنا ہے
لاہور(یواین پی)وزیراعظم شہباز شریف آج (منگل) کو اڑان پاکستان پروگرام کا اعلان کریں گے۔وزارت منصوبہ بندی کے مطابق اڑان پاکستان 5 سال کا قومی اقتصادی پلان ہوگا اور یہ قومی اقتصادی پلان 2024سے 2029تک محیط ہو گا۔ذرائع کے مطابق وفاقی حکومت اس پروگرام کے تحت 2029 تک برآمدات کو سالانہ 60 ارب ڈالرز تک بڑھائے گی اور پروگرام کے تحت سالانہ آئی ٹی گریجویٹس کی تعداد میں ہزاروں میں اضافہ کیا جائے گا۔ذرائع نے بتایاکہ اڑان پاکستان کے ذریعے پاکستان کو 2035 تک 1000 ارب ڈالرز معیشت کی بنیاد فراہم کرنا ہے اور اس پروگرام کے تحت شرح خواندگی کو فروغ اور غربت میں کمی لائی جائے گی۔ذرائع کا کہنا ہے کہ آئی ٹی برآمدات کو اس پروگرام میں خصوصی اہمیت دی گئی ہے۔رپورٹ کے مطابق یہ منصوبہ سرکاری اور نجی شعبوں سمیت تمام اسٹیک ہولڈرز کی قابل قدر رائے پر مبنی ہے اور اس کا مقصد پاکستان کو پائیدار ترقی کی راہ پر گامزن کرنا ہے۔جس میں نیشنل اکنامک ٹرانسفارمیشن پلان جوایکسپورٹ کے 5 ای فریم ورک پر مبنی ہے۔ ای پاکستان،ماحولیات اورموسمیاتی تبدیلی،توانائی اور بنیادی ڈھانچہ اورمساوات، اخلاقیات اور بااختیاری 13 ویں پانچ سالہ منصوبہ کی بنیاد ہوگی۔