پولیو مہم کے نئے شیڈول کا اعلان آئندہ ہفتے کیا جائے گا ۔ڈسٹرکٹ ہیلتھ راولپنڈی

راولپنڈی… محکمہ صحت راولپنڈی نے سکیورٹی وجوہات اور موجودہ غیر یقینی صورتحال پر پیر سے شروع ہونے والی تین روزہ پولیو مہم ملتوی کر دی‘ نئے شیڈول کا اعلان آئندہ ہفتے کیا جائے گا۔ ڈسٹرکٹ ہیلتھ آفیسر ڈاکٹر ظفر اقبال گوندل کے مطابق پیر سے شروع ہونے والی تین روزہ پو لیو مہم سکیورٹی وجوہات اور ملک میں جاری موجودہ صورتحال کو مد نظر رکھتے ہوئے ملتوی کر دی گئی ہے ۔حالات ساز گار ‘اساتذہ اور عملے کو رضا مند کرنے کے بعد نیا شیڈول جاری کیا جائے گا ۔واضح رہے کہ اس سے قبل بھی ایک مرتبہ پولیو مہم ملتوی ہوچکی ہے ۔