ایک بھرپورقہقہ ذہنی دباؤ سے نجات دلانے اور یاداشت کو بہتر بنانے میں معاون ہوتا ہے ۔ماہرین

واشنگٹن (یوا ین پی) ماہرین نے کہا ہے کہ قہقہ سے قلیل المدت یاداشت کو بہتر بنانے میں معاون ہے ۔ یہ بات امریکہ کی لوما لنڈا یونیورسٹی کے ماہرین نے ایک حالیہ تحقیق میں کہی ہے ۔ تحقیق میں 40 معمر افراد پر مشتمل گروپ کو دوحصوں میں بنایا گیا ۔ پہلے گروپ کو 20 منٹ تک مزاحیہ ویڈیوز دکھائے گئے جبکہ دوسرے گروپ کو خاموشی سے بیٹھنے کو کہاگیا ۔بعدازاں دونوں گروپوں کے ارکان سے قلیل المدت یاداشت پر مبنی ٹیسٹ لئے گئے۔ ماہرین کے مطابق مزاحیہ ویڈیو دیکھنے والے افراد نے اس ٹیسٹ میں بہتر کارکردگی کامظاہرہ کیا ۔ ماہرین کے مطابق اس تحقیق سے ثابت ہواہے کہ ایک بھرپور قہقہ قلیل المدت یاداشت کو بہتر بنانے کے علاوہ ذہنی دباؤ سے نجات دلانے میں بی معاون ہے۔