کم وقت میں زیادہ سے زیادہ سیلاب متاثرین کو رقوم کی ادائیگی کی سلپس جاری کی جائیں ندیم کامران؂

جھنگ(یواین پی) صوبائی وزیرزکوٰۃ و عشرملک ندیم کامران نے ڈی سی او راجہ خرم شہزاد عمر کے ساتھ سیلاب متاثرین کو حکومتی امدادی رقم کی دوسری قسط تقسیم کرنے کے سنٹر ضلع کونسل کا معائنہ کیا ۔ صوبائی وزیر نے سنٹر کے مختلف شعبوں کا تفصیلی معائنہ اور انتظامات کا جائزہ لیا ۔انہوں نے اس موقع پر ہدایات دیتے ہوئے کہا کہ سنٹر پر آنے والے سیلاب متاثرین کو ہر ممکن سہولت فراہم کی جائے ۔انہوں نے کہا کہ کم سے کم وقت میں زیادہ سے زیادہ سیلاب متاثرین کو رقوم کی ادائیگی کی سلپس جاری کی جائیں تاکہ وہ بروقت اپنے گھروں کو لوٹ سکیں ۔صوبائی وزیر نے بنک حکام کو پابند کیا کہ وہ سیلاب متاثرین کو ترجیحی بنیادوں پر سہولیات فراہم کریں۔انہوں نے سنٹر انچارج اور دیگر متعلقہ عملہ پر واضح کیا کہ وہ دلجمعی سے اپنے فرائض سرانجام دیں اس ضمن میں کسی قسم کی کو تاہی ہر گز برادشت نہیں کی جائیگی۔