جرنلسٹ فاؤنڈیشن کے وفد کی وزارتِ خارجہ کے ڈپٹی ڈائریکٹر سے ملاقات

اسلام آباد (یو این پی ) جرنلسٹ فاؤنڈیشن کے وفد نے وزارتِ خارجہ کے ڈپٹی ڈائریکٹر عبد الحسیب عظیم پنہوار سے ملاقات کی۔ وفد میں جرنلسٹ فاؤنڈیشن کے مرکزی صدر ذوالفقار علی ملک، ایڈیشنل جوائنٹ سیکرٹری لالہ ثناء اللہ بھٹی اور جرنلسٹ فاؤنڈیشن کے وکلاء ونگ کے راجہ محمد جاوید جنجوعہ ایڈووکیٹ شامل تھے۔ ملاقات کے موقع پر پنجابی کے معروف لکھاری و شاعر کلیم شہزاد بھٹی بھی موجود تھے۔ اس ملاقات میں جرنلسٹ فاؤنڈیشن کے بیرونِ ملک مقیم عہدیداران و ممبران کی فلاح و بہبود کے حوالے سے بات کی گئی اور انہیں درپیش مسائل کے حل کے لیے مختلف تجاویز زیرِ غور لائی گئیں ۔ ڈپٹی ڈائریکٹر عبدالحسیب عظیم نے صحافیوں کے لیے جرنلسٹ فاؤنڈیشن کی خدمات کو سراہا اور وزارتِ خارجہ کے ذریعے عالمی صحافتی تنظیموں سے روابط استوار کرنے کے حوالے سے بھی مثبت اشارہ دیا۔