گردوں کا عالمی دن شریف میڈیکل سٹی ہسپتال میں منایا گیا

لاہور۔۔۔گردوں کا عالمی دن شریف میڈیکل سٹی ہسپتال میں منایا گیا جس کا موضوع تھا ’’صحت مند گردے سب کے لئے ‘‘حسب روایت اس سال بھی فری میڈیکل سکریننگ کیمپ منعقد ہوا جس کا افتتاح پروفیسر بریگیڈئیر(ر)ظفر احمد، پرنسپل جنید سرفراز خان،پروائس چانسلر یونیورسٹی آف ہیلتھ سائنسز تھے۔فری میڈیکل سکریننگ کیمپ میں گردوں کے ماہرڈاکٹروں نے ایک ہزار سے زائد مریضوں کا مفت طبی معائنہ کیا اور ان کے بلڈپریشر،شوگر،کولیسٹرول یورک ایسڈ کا بھی مفت ٹیسٹ کیا گیا۔ بعدازاں پبلک سیمینار سے پروفیسر محمود علی ملک فزیشن اور ماہر ذیابیطس اور پروفیسر طاہر شفیع نیفرالوجسٹ نے شرکاء سے خطاب کیا اور حاضرین کے سوالات کا جواب دیا۔انہوں نے بتایا کہ گردے فیل ہونے کی بنیادی وجہ بلڈ پریشر اور شوگر کی زیادتی ہے اور لوگ صحتمند طرز زندگی اپنا کر اور بلڈ پریشر وشوگر کو معتدل رکھ کر گردوں کو نقصان سے بچا سکتے ہیں۔ ورلڈ کڈنی ڈے 12 مارچ کو پوری دنیا میں صحت مند گردوں کی اہمیت کو اجاگر کرنے اور ان کے پیچیدہ امراض سے بچنے کی آگاہی کے لئے انٹر نیشنل سوسائٹی آف نیفرالوجی اورانٹرنیشنل فیڈریشن آف کڈنی فاؤنڈیشن کے تعاون سے منایا جاتا ہے۔