پاکستان کرکٹ ٹیم ستمبر میں زمبابوے کا دورہ کرے گی

لاہور (یو این پی) پاکستان کرکٹ ٹیم کا دورہ زمبابوے کا شیڈول طے پاگیا ۔ قومی کرکٹرز بائیس ستمبر کو روانہ ہوں گے ۔ پاکستان اور زمبابوے کرکٹ بورڈ کے درمیان دو ٹی ٹونٹی اور تین ون ڈے میچز کی سیریز کی تاریخیں طے پا گئی ہیں جس کے مطابق پہلا ٹی ٹونٹی میچ ستائیس ستمبر اور دوسرا انتیس ستمبر کھیلا جائے گا ۔ ون ڈے سیریز کا آغاز یکم اکتوبر کو پہلے میچ سے ہوگا دوسرا میچ تین اور تیسرا ون ڈے میچ پانچ اکتوبر کو کھیلا جائے گا ۔ زمبابوے سے قومی ٹیم وطن واپسی کی بجائے سات اکتوبر کو متحدہ عرب امارات پہنچے گی جہاں انگلش ٹیم کے خلاف شاہین ٹیسٹ ، ون ڈے اور ٹی ٹونٹی میچز کی سیریز کھیلے گی ۔