ن لیگ کو ایک اور جھٹکا، این اے154: اختر کانجو پی ٹی آئی میں شامل،جہانگیر کی حمایت کا اعلان

لودھراں(یو این پی)لودھراں  ضمنی انتخاب میں مسلم لیگ نون کے  دو   رہنماؤں نے   تحریک انصاف کے امیدوار کی حمایت کا اعلان کردیا ،سابق ایم این اے اختر خان کانجو اور سابق ایم پی اے زوار وڑائچ  ن لیگ کے ٹکٹ پر اراکین اسمبلی منتخب ہوئے تھے۔تفصیلات کےمطابق   لودھراں  کےضمنی انتخاب سے  پہلے  مسلم لیگ نون کو  سیاسی  دھچکا لگ گیا ،  دو  اہم رہنماؤں نے  پاکستان  تحریک انصاف کی حمایت کا اعلان کردیا۔مسلم لیگ ن کے اختر خان کا نجو  اور  زوار  وڑائچ  نے ضمنی انتخاب میں   جہانگیر ترین کی  حمایت کردی  ، اختر خان کا نجو   این اے 155 سے  دو مرتبہ رکن قومی اسمبلی منتخب  ہو چکے  ہیں  جبکہ زوار  وڑائچ   پی پی   دو سو سات  سے  رکن پنجاب اسمبلی  بن  چکے ہیں  اس سے  پہلے بھی   مسلم لیگ ن کے دو سابق ارکان اسمبلی  پی ٹی آئی کی حمایت کا اعلان کرچکے ہیں۔واضح رہے کہ لودھراں  میں قومی اسمبلی کے  حلقے  این اے   ایک سو  چوو ن میں ضمنی انتخاب  گیارہ  اکتوبر  کو   ہو گا جس میں  پی  ٹی  آئی کے  جہانگیر  ترین  اور   ن لیگ کے  عمیر خان بلوچ  مضبوط  امیدوار ہیں ۔