ڈسٹرکٹ بار ایسوسی ایشن کے سالانہ الیکشن برائے سال 2016 کیلئے پولنگ 10 جنوری کو ہو گی

جھنگ(یو این پی)ڈسٹرکٹ بار ایسوسی ایشن کے سالانہ الیکشن برائے سال 2016 کیلئے پولنگ 10 جنوری کو ہو گی ۔ان انتخابات میں ڈسٹرکٹ بار ایسوسی کے سات سو سے زائد وکلاء آئندہ سال کیلئے اپنے نمائندے منتخب کریں گے۔اس الیکشن میں اکثر عہدوں کیلئے ون ٹو ون مقابلہ ہو گا۔صدر کیلئے مہر غلام فرید نول اور صوفی ثنا ء اللہ رانجھا امیدوار ہیں جبکہ نائب صدر کیلئے کامران شاہ بخاری اور مہر طارق یٰسین اور جنرل سیکرٹری کیلئے مقداد خان بلوچ اور چوہدری ہاشم خان میں مقابلہ ہو گا ۔تمام امیدواروں کی جانب سے اپنی اپنی کامیابی کیلئے انتخابی مہم زور و شور سے جاری ہے اور ہر امیدوار ساتھی وکلا ء کو اس بات پرقائل کرنے کی کوشش میں ہے کہ وہ کامیاب ہو کر بار کی ترقی کیلئے زیادہ سے زیادہ کام کرے گا۔