فلم “میراانتقام”کی باقاعدہ عکس بندی شروع

فلم میں پنجاب کی ثقافت کومتعارف کرانے کے ساتھ منشیات کے خلاف عوام میں آگہی پیدا کرنے کی کوشش کی گئی ہے
جھنگ(یواین پی)جھنگ میں مقامی سطح پر معاشرے میں موجود برائیوں کے متعلق نہایت اچھے طریقے سے ٹیلی فلم کی شکل میں مصنف و ہدایتکار نعیم قیصر اور اُن کی ٹیم عوام میں شعور پیدا کرنے کی عرصہ دراز سے کوشش کر رہے ہیں۔اس ضمن میں وہ درجنوں ٹیلی فلمیں بنا چکے ہیں اب حال ہی میں اُن کی نئی فلم “میراانتقام”کی باقاعدہ عکس بندی شروع ہوگئی ہے گزشتہ روز اس فلم کی عکس بندی تریموں ہیڈ جھنگ پر کی گئی ہے اس فلم کے مصنف عزیز خان،فلمساز آصف شاہ،ہدایتکار نعیم قیصر جبکہ کیمرہ مین جاوید سیال اور طارق شیخ ہیں۔اس فلم کی کہانی میں پنجاب کی ثقافت کومتعارف کرانے کے ساتھ منشیات کے خلاف عوام میں آگہی پیدا کرنے کی کوشش کی گئی ہے یہ فلم بہت جلد مقامی سینما گھروں کی زینت بنے گی اس فلم کی کاسٹ میں وحید چوہدری،طاہر شاہ،ارشد شیخ،لیاقت بادل،سونم شاہ،ہیرا زین،بختاور کے علاوہ دیگر نامور اداکار شامل ہیں