پنجاب میں عید ٹھنڈی ہوگئی،بارش سے موسم خوشگوار

لاہور(یو این پی)لاہور سمیت پنجاب کے مختلف علاقوں میں بارش سے موسم خوشگوار ہوگیا اور عید بھی ٹھنڈی ہوگئی ۔ مرجھائے چہرے کھل اٹھے ، بارش کی وجہ سے کئی علاقوں میں بجلی کی فراہمی معطل ہوگئی ۔ عید آئی ، اپنے ساتھ بارش لائی ۔ لاہور سمیت پنجاب کے مختلف شہروں میں ابر رحمت برسا اور کھل کر برسا ۔ بارش سے گرمی کا زور ٹوٹ گیا اور موسم خوشگوار ہونے پر عید کا مزا بھی دوبالا ہوگیا ۔ لاہور کے علاوہ فیصل آباد ، گوجرانوالہ ، اسلام آباد سمیت مختلف علاقوں میں بادل جم کر برسے جس پر شہریوں نے شکر ادا کیا ۔ روزے داروں کو عید کا تحفہ مل گیا ۔ بارش کی وجہ لاہور سمیت دیگر علاقوں میں کئی فیڈر ٹرپ ہوگئے جس سے مختلف علاقوں٘ میں بجلی کی فراہمی معطل ہوگئی ۔ تاہم موسم حسین ہونے پر شہریوں نے سکھ کا سانس لیا ۔