اداکارہ مسرت شاہین کی پی ٹی آئی میں شمولیت کی خواہش

Published on July 18, 2016 by admin ·(TOTAL VIEWS 1,577) No Comments

پشاور(یو این پی)پاکستان تحریک مساوات کی چیئرپرسن اور پشتو فلموں کی ماضی کی معروف اداکارہ مسرت شاہین نے تحریک انصاف میں شامل ہونے کی خواہش کا اظہار کیا ہے۔میڈیا کے مطابق مسرت شاہین نے تحریک انصاف میں باقاعدہ شمولیت کی خواہش کا اظہار کیا ہے تاہم جنوبی اضلاع سے تعلق رکھنے والی پی ٹی آئی قیادت نے ان کی اس خواہش کی مخالفت کرتے ہوئے اُن کے رابطوں کے جواب میں خاموشی اختیارکرلی۔واضح رہے کہ گزشتہ برس میڈیا پر مسرت شاہین کے قتل کی خبریں بھی زیر گردش رہیں جو بعد ازاں غلط ثابت ہوئیں۔ مسرت شاہین 2013 کے عام انتخابات میں جمعیت علمائے اسلام (ف) کے سربراہ مولانا فضل الرحمان کے مدمقابل کھڑی ہوئی تھیں تاہم انھیں شکست کا سامنا کرنا پڑا تھا۔