ترک صدر 2 روزہ دورے پر پاکستان پہنچ گئے

اسلام آباد(یوا ین پی) ترک صدر رجب طیب اردوان دو روزہ دورے پر پاکستان پہنچ گئے ہیں۔ نور خان ائیر بیس پر وزیر اعظم محمد نواز شریف اور وزیر اعلیٰ پنجاب محمد شہباز شریف نے مہمان ترک صدر کا پرتپاک استقبال کیا اور انھیں گلدستے پیش کئے۔ پاک فوج کے چاق وچوبند دستے نے ترک صدر کو گارڈ آف آرنر پیش کیا۔ اس موقع پر خاتون اول محترمہ کلثوم نواز اور مریم نواز بھی موجود تھیں۔ خیال رہے کہ رجب طیب اردوان کا بحیثیت صدر پاکستان کا یہ پہلا دورہ ہے۔