آپریشن رد الفساد: افغان باشندوں سمیت 26 مشتبہ افراد گرفتار

Published on March 12, 2017 by admin ·(TOTAL VIEWS 404) No Comments

راولپنڈی(یو این پی) پاک فوج کے اسلام آباد سمیت پنجاب کے مختلف شہروں میں آپریشن رد الفساد کے دوران افغان باشندوں سمیت 26 مشتبہ افراد کو گرفتار کر لیا گیا۔ پاک فوج کے شعبہ تعلقات عامہ (آئی ایس پی آر) کے مطابق ملک بھر میں آپریشن رد الفساد کامیابی سے جاری ہے جس کے تحت اسلام آباد سمیت پنجاب کے مختلف شہروں میں سرچ آپریشن کیے گئے جس میں 13 افغان باشندوں سمیت 26 مشبہ افراد کو گرفتار کر لیا گیا۔ ترجمان پاک فوج کے مطابق سرچ آپریشن پنجاب رینجرز، پولیس اور انٹیلی جنس اداروں نے کیے جو ڈی جی خان، صادق آباد، لاہور اور اٹک سمیت اسلام آباد میں بھی کیے گئے، سرچ آپریشن کے دوران اسلحہ و گولہ بارود کا ذخیرہ بھی برآمد کیا گیا۔ آئی ایس پی آر کے مطابق سرچ آپریشن کے دوران ڈی جی رینجرز پنجاب میجر جنرل اظہر نوید نے مختلف علاقوں کا دورہ بھی کیا۔