پاکستان میں نئے فنکاروں کو موقعہ نہیں دیا جاتا: نیناں چوہدری

پاکستان میں نئے فنکاروں کو موقعہ نہیں دیا جاتا: نیناں چوہدری
پاکستان میں ٹیلنٹ کی کمی نہیں ہے، صرف کمی ہے تودرست ڈائریکشن کی ہے:گفتگو
لاہور(یو این پی) گلوکارہ و اداکارہ نینا ں چوہدری نے کہا ہے کہپاکستان میں نئے فنکاروں کو موقعہ نہیں دیا جاتا سالانہ ایک ہزارسے زائدہ فلمیں بننے والے ملک میں اگرصرف سپراسٹارز کو کاسٹ کرکے یا لابی سسٹم کے تحت فلمیں، ڈرامے بنائے جائیں تویہ ممکن نہیں ہے۔ ہمارے پڑوسی ملک بھارت میں بلاشبہ بہت بڑے بڑے اسٹار کام کررہے ہیں لیکن ان سپراسٹارز کی موجودگی کے باوجود نوجوان فنکاروں اورتکنیکاروں کو چانس دیا جا رہا ہے۔ سالانہ ایک ہزارسے زائدہ فلمیں بننے والے ملک میں اگرصرف سپراسٹارز کو کاسٹ کرکے یا لابی سسٹم کے تحت فلمیں، ڈرامے بنائے جائیں تویہ ممکن نہیں ہے۔ اسی لیے بہت سے فلمساز ادارے ، پروڈکشن ہاؤسز نئے چہروں کو متعارف کرواتے ہیں اور پھر انہی میں سے کچھ سپراسٹاربن جاتے ہیں۔یو این پی کے مطابق نینا ں چوہدری نے کہا ہے کہ پاکستان میں ٹیلنٹ کی کمی نہیں ہے، صرف کمی ہے تودرست ڈائریکشن کی ہے۔ ہمارے ہاں’’ لابی سسٹم اورگروپ بندی ‘‘ جب تک قائم رہے گا، تب تک بہتری کے امکانات روشن نہیں ہوسکتے۔ ہمیں اب اس بات کو سمجھ لینا چاہیے کہ جب تک کہانی کی ڈیمانڈ کے مطابق فنکاروں کا انتخاب نہیں کیا جائے گا، اس وقت تک بہتری کے آثار دکھائی نہیں دینگے۔