سری لنکا کیخلاف ون ڈے سکواڈ کا اعلان دبئی ٹیسٹ کے دوران ہوگا

Published on October 4, 2017 by admin ·(TOTAL VIEWS 284) No Comments

لاہور (یو این پی) سری لنکا کے خلاف ون ڈے سیریز کے لئے قومی ٹیم کا اعلان دبئی ٹیسٹ کے دوران متوقع ، چیمپئنز ٹرافی کے فاتح سکواڈ کو ہی برقرار رکھنے کا فیصلہ کیا گیا ہے ۔ آل راؤنڈر محمد نواز سولہویں کھلاڑی ہو سکتے ہیں ۔ سری لنکا کے خلاف ون ڈے سیریز کیلئے قومی سکواڈ تشکیل دینے انضمام الحق یو اے ای روانہ ہوگئے ۔ چیف سلیکٹر ، کپتان سرفراز احمد اور ہیڈ کوچ مکی آرتھر سے مشاورت کریں گے ۔ ذرائع کے مطابق چیمپئنز ٹرافی کے فاتح سکواڈ کو ہی برقرار رکھنے کا فیصلہ کیا گیا ہے ۔ محمد نواز کی بطور سولہواں کھلاڑی انٹری متوقع ہے ۔ ون ڈے سیریز کیلئے سولہ رکنی گرین شرٹس کا اعلان دبئی ٹیسٹ کے دوران کیا جائے گا ۔ پاکستان اور سری لنکا کے درمیان پانچ ایک روزہ میچز کی سیریز کا پہلا مقابلہ 13 اکتوبر کو شیڈول ہے ۔