زینب قتل کیس میں گرفتار ہونے والے روحانی پیشوا کی مبینہ خودکشی

Published on January 31, 2018 by admin ·(TOTAL VIEWS 333) No Comments

قصور(یوا ین پی)زینب قتل کیس میں تفتیش کے دوران گرفتاری کے بعد رہا کیے جانے والے روحانی پیشوا شبیر عرف چنی پیرنے مبینہ طور پر خود کشی کرلی۔ میڈیا رپورٹس کے مطابق قصور میں پیرو والا محلے میں صدر تھانے کی حدود میں روحانی پیشوا کی لاش ان کے مکان کے کمرے میں لگے پنکھے سے لٹکی ہوئی ملی۔روحانی پیشوا بابا شبیر عرف چنی پیر کے مریدوں کی جانب سے پولیس کو واقعے سے مطلع کیا گیا جس پر پولیس نے موقع پر پہنچ کر لاش کو پوسٹ مارٹم کے لیے ہسپتال منتقل کیا۔پولیس کے مطابق واقعے کی تحقیقات کا آغاز کردیا گیا ہے۔مبینہ طور پر خود کشی کرنے والے روحانی پیشوا کے اہل خانہ کے مطابق پولیس نے دو ہفتے قبل بابا شبیر کو زینب قتل کیس کی تفتیش کے دوران گرفتار کیا تھا۔بابا شبیر کے بھتیجے محمد عمر نے بتایا کہ پولیس کی جانب سے انہیں 10 روز تک حراست میں رکھے جانے، تفتیش اور ڈی این اے کے نمونے حاصل کیے جانے کے باعث بابا شبیر ذہنی طور پر بہت پریشان تھے۔انہوں نے مزید بتایا کہ واقعے سے قبل بابا شبیر نے وضو کیا اور میں سمجھا کہ شاید وہ ہمیشہ کی طرح عبادت کے لیے جارہے ہیں۔