خیبرپختونخوا ٗ5 سالہ بچی، 10 سالہ بچہ ریپ کا شکار ٗپولیس کی بروقت کارروائی ٗ ملزمان گرفتار

Published on February 9, 2018 by admin ·(TOTAL VIEWS 551) No Comments

صوابی /لکی مروت (یو این پی)خیبرپختونخوا کے اضلاع صوابی اور لکی مروت میں بالترتیب 5 سالہ بچی اور 10 سالہ بچہ مبینہ ریب کا شکار ہوگئے تاہم پولیس نے برقت کارروائی کرتے ہوئے ملزمان کو گرفتار کرلیا.میڈیا رپورٹ کے مطابق صوابی کے تحصیل یارحسین میں سلمان نامی شخص نے دو روز قبل پانچ سالہ معصوم گل پانژہ کو اس وقت مبینہ ریپ کا نشانہ بنایا جب وہ سرسوں کے کھیت میں کام کر رہی تھی ٗمبینہ ملزم نے 5 سالہ بچی کو اس واقعے کے بارے میں کسی کو بتانے پر جان سے مارنے کی دھمکی دی تھی تاہم بچی نے پولیس کو واقعہ کے بارے میں آگاہ کیا ٗبچی کے والد کی رپورٹ پر صوابی کی تحصیل یارحسین کے تھانے میں مقدمہ درج کیا گیا جس کے بعد پولیس نے 7 فروری کو کارروائی کرتے ہوئے ملزم کو گرفتار کر لیا۔ذرائع کے مطابق پولیس حکام نے بتایا کہ بچی کی میڈیکل رپورٹ کے بعد ہی کارروائی کو مزید آگے بڑھایا جائیگا۔تحصیل یار حسین کے اسٹیشن ہاؤس آفیسر (ایس ایچ او) عبدالعلی نے بتایا کہ ملزم کی عمر تقریباً 17 سال ہے جسے مجسٹریٹ کے سامنے پیش کیا جائیگا جبکہ ملزم کا جسمانی ریمانڈ حاصل کرنے کی استدعا بھی کی جائیگی۔دوسری جانب لکی مروت میں سرائے نورنگ کے علاقے ممہ خیل میں دس سالہ بچے کو دو افراد نے ریپ کا نشانہ بنایا۔ابتدائی طور پر پولیس نے بتایا کہ اس واقعہ میں ملوث ایک شخص کو گرفتار کر لیا گیا ہے ٗ اس کا دوسرا ساتھی تاحال فرار ہے تاہم لکی مروت میں نورنگ پولیس تھانے کے اسٹیشن ہاؤس آفیسر (ایس ایچ او) نے دعویٰ کیا کہ پولیس نے کا میاب کارروائی کرتے ملزم کے دوسرے ساتھی کو راولپنڈی سے گرفتار کرلیا۔