پابندی کے باوجود کھلے عام پتنگوں اور قاتل ڈور کی فروخت قابل مذمت ہے،عامر بٹ

اوباش نوجوان منچلے تمام رات جدید اسلحے سے ہوئی فائرنگ ڈیک پر میوزک کا شور شرابا بو کاٹا کے نعرے لگاتے رہے
راولپنڈی(یوا ین پی) یونین کونسل 36 موہن پورہ کی سیاسی وسماجی رہنما عامر بٹ نے کہا ہے کہ پابندی کے باوجود کھلے عام پتنگوں اور قاتل ڈور کی فروخت قابل مذمت ہے، حکومت نام کی کوئی رٹ نظر نہیں آرہی ہے، اوباش نوجوان منچلے تمام رات جدید اسلحے سے ہوئی فائرنگ ڈیک پر میوزک کا شور شرابا بو کاٹا کے نعرے لگاتے رہے لیکن ضلعی انتظامیہ پولیس راولپنڈی میں بسنت منانے والوں کو قانون کی گرفت میں لانے میں ناکام رہی ہے ،عامر بٹ نے وزیر اعلی پنجاب شہباز شریف گورنر پنجاب آر پی او راولپنڈی سی پی او راولپنڈی سے پزور مطالبہ کیا ہے کہ اگر قاتل ڈور اور پتنگوں کی فروخت پر پابندی ہے تو پھر پورے شہر میں بسنت کیسے منائی جارہی ہے، راولپنڈی میں بسنت اس بات کی نشاندہی اور تصدیق کرتی ہے کہ یہ سب کچھ پولیس کی آشیر آباد سے ہی ہورہا ہے، قاتل دھاتی ڈور سے ہلاکتوں اور زخمی ہونے والوں کی ذمہ دار مقامی پولیس ہے ۔