تحریکِ انصاف کے تین اراکینِ اسمبلی پیپلز پارٹی میں شامل

لاہور(یو این پی) پاکستان تحریکِ انصاف کے تین اراکینِ خیبر پختونخوا اسمبلی نے پیپلز پارٹی میں شمولیت اختیار کر لی ہے۔پی ٹی آئی کے اراکین اسمبلی نے یہ اعلان پیپلز پارٹی کے کو چیئرمین اور سابق صدر آصف علی زرداری سے ملاقات میں کیا۔میڈیا کے ذرائع کے مطابق آصف علی زرداری سے یہ ملاقات بلاول ہاؤس لاہور میں ہوئی۔ پیپلز پارٹی میں شامل ہونے والے اراکین اسمبلی میں زاہد درانی، عبید مایار اور نگینہ خان شامل ہیں۔