رمضان المبارک میں دفتری اوقات کار کا اعلان کر دیا گیا

اسلام آباد(یواین پی) رمضان المبارک کے دوران سرکاری دفاتر میں اوقاتِ کار کا اعلان کر دیا گیا ہے۔رمضان المبارک میں صوبہ پنجاب کے دفاتر کے اوقات 8 سے 2 بجے تک ہونگے جبکہ جمعہ کے دن دفتری اوقات 8 سے دوپہر ایک بجے تک ہونگے۔دوسری جانب سندھ حکومت نے بھی رمضان المبارک میں دفتر کے نئے اوقاتِ کار جاری کر دیے ہیں۔ سرکاری دفاتر صبح 8 بجے سے دوپہر 2 بجے تک کھلے رہیں گے اور جمعہ کے روز اوقاتِ کار صبح 8 سے دوپہر 12 بجے تک ہوں گے۔