پاکستان جرنلسٹس فورم (سعودی عرب) کی مولانا سمیع الحق پر قاتلانہ حملے کی شدید الفاظ میں مذمت

جدہ(یواین پی ۔۔۔ زکیر بھٹی)پاکستان جرنلسٹس فورم (سعودی عرب) کی مولانا سمیع الحق پر ہونے والے قاتلانہ حملے کی شدید الفاظ میں مذمت کرتے ہوئے اسے ایک بہت بڑا سانحہ قرار دیا ۔اس موقع پر انہوں نے کہا کہ سیاست میں دہشتگردی کی مذمت کرتے ہیں سانحہ میں شہید ہونے والے مولانا سمیع الحق کی دینی اور سیاسی خدمات کو ہم خراج عقیدت پیش کرتے ہیں پاکستان جرنلسٹس فورم کے چیئرمین امیر محمد خان صدر شاھد نعیم. جنرل سیکرٹری جمیل راٹھور نے کہا کہ پاکستان میں مذھبی اور سیاسی دہشتگردی کا مکمل خاتمہ ہی ملک کو ترقی کی راہ پر گامزن کرسکتا ہے ۔ دیگر ممبران میں خالد نواز چیمہ۔ محمد امانت۔ ۔سید مسرت خلیل۔ زکیر احمد بھٹی۔ نورالحسن گجر مصطفیٰ خان جاوید راہو نے اپنے مشترکہ بیان میں حکومت سے مطالبہ کیا ہے کہ فوری طور پر قاتلوں کو گرفتار کر کے قرار واقعی سزا دی جائے انہوں نے کہا کہ انکی شہادت سے ملک ایک بڑے مذہبی اور سیاسی رہنما سے محروم ہو گیا ہے۔ انہیں ایک محب وطن سیاسی رہنما کے حیثیت میں ہمیشہ یاد رکھا جائے گا ۔